چوہان کی نواز شہباز اور رانا ثنائ اللہ کی پھانسی کی پیشین گوئی۔ہفتہ 5 جو لائی 2019

وزیر اطلاعات پنجاب فیاض الحسن چوہان نے پیشگوئی کی ہے کہ سانحہ ماڈل ٹائون کی جے آئی ٹی بن گئی،نواز شریف،شہباز شریف اور رانا ثنا اللہ کو پھانسی ہوگی۔

راولپنڈی میں میڈیا سے گفتگو میں فیاض الحسن چوہان نے کہا کہ جس کی کرپشن کی دم پر پاؤں رکھتے ہیں وہ شور کرنا شروع کر دیتے ہیں۔

انہوں نے کہا کہ آل شریف سمجھے تھے کہ ترکی اور چین والے ان کے رشتہ دار ہیں،ریاستوں کا تعلق ہے کسی ایک گھرانے کے تعلقات نہیں۔

صوبائی وزیر اطلاعات نے مزید کہا کہ 40 سال سے کرپشن کی بارات مفاہمت کی بس میں سوار تھی،2018ء کے الیکشن میں کرپشن کی بس پل سے نیچی گر گئی۔

ان کا کہنا تھا کہ ماڈل ٹاؤن جے آئی ٹی بن گئی رانا ثنا،شہباز اور نوازشریف کو پھانسی ہوگی،سب سے بڑا جرم 14 افراد کو مارنا ہے جن کی سزا ان کو ضرور ملے گی۔

Source-https://jang.com.pk/news/594845-chohan-predicting-the-death-sentence-of-nawaz-shahbaz-and-rana-sana