کورونا، پنجاب میں قیدیوں کی سزاؤں میں 60 دن کی کمی 16 مارچ 20

کوروناوائرس کا پھیلاؤ روکنے کے لیے پنجاب حکومت کی جانب سے صوبہ بھر کی جیلوں میں قیدیوں کی سزاؤں میں 60 دن کی کمی کا فیصلہ کیا گیا ہے۔

پنجاب حکومت نے کورونا وائرس سے بچاؤ سے متعلق اہم فیصلہ کرتے ہوئے صوبے بھر کی جیلوں میں قیدیوں کی سزاؤں میں 60 دن کی کمی کا نوٹیفکیشن جاری کر دیا ہے، قیدیوں کی سزاؤں میں کمی کا مقصد جیلوں میں قیدیوں کی تعداد کم کرنا ہے۔

پنجاب حکومت کے مطابق کوروناوائرس کا پھیلاؤ روکنے کے لیے وزیراعلیٰ پنجاب عثمان بزدار نے صوبے بھر میں مزارات تین ہفتے کے لیے بند کرنے کا اعلان کیا ہے۔

وزیراعلیٰ پنجاب عثمان بزدار کی جانب سے چیف سیکریٹری کو فیصلے پر فوری عملدرآمد کروانے کی ہدایت کی گئی ہے جبکہ درگاہ بابافرید اور دربارحضرت بابا بلھے شاہ کو زائرین کے لیے بند کردیا گیا ہے۔

Source-